Mar 11, 2010

البنت إللى جوة عنيها .. الشيطان بيلعب كمانجة



سألت نفسك وإنت خارج من ساعات الإنهزام

إيه تانى ممكن بعد قلبك ينكسر ؟
ردت عليك الساعات المستبدة
بعد تلاتة الصبح
وفنجان قهوة طعمه مش ولابد
وكل خيوط إمبارح محاوطاك
يعنى ..
لزوم هروبك من وطن عمره مابادلك نفس إحساس الولع
الدموع خانت مشاعرك مرتين
حسيت بضاَلة كل شىء
فجأة إنتحرت جوة نفسك وإبتديت
اَخر محاولة للهروب
إحساس دائم بشخص طيب
بيتمشى بحرص بين أشلاء جروحك
رحل .. لما عصره اليأس
منك
وقتها إتلجم لسانك بالدموع
وسألت نفسك
ليه تانى بتسلم لدايرة محالك
إحسم رجوعك بالفراق
وأسجن قهرتك بالغنا
إنضم للحن جيلك وانسجم
متضحكيش عليا
ياشمس
مش أنا
إللى كتبت فصول الرواية
ومحفظ الناس الحوار
ولا بدرت الشك جوة الأسئلة
المر علقم فى غنوتى
غصب عنى
ماهى كده
رقاصة خايبة .. نازلة هز
وفى الغنا
لا الناس فاهمة غناها .. ولا فهماه انا
كل السراب فيكي ياشمس
مش فى الليل
لما الألم يمر زى السيف
على وشوش أصحابي القدام
والشخص الطيب يرحل
قبل أوانه
يبقى ليه بنلوم الشجر
لما يطرح رحيل


6 comments:

حدوته مصرية said...

عجيب اني اجي و كأني مستنى تاني الباب يتفتح و الاقيه فعلا
و حلو جدا انا متابع و هاجي تاني اقرا البوست كويس و اعلق

سلام

Borsa said...

مشاهدة مباراة انتر ميلان وبرشلونة بث مباشر
مشاهدة مباراة انتر ميلان وبرشلونة
مشاهدة مباراة انترناسيونالي وبرشلونة بث مباشر
مشاهدة مباراة انترناسيونالي وبرشلونة
مشاهدة مباراة برشلونة وانتر ميلان بث مباشر
مشاهدة مباراة برشلونة وانتر ميلان
مشاهدة مباراة برشلونة وانترناسيونالي بث مباشر
مشاهدة مباراة برشلونة وانترناسيونالي

Anonymous said...

مكن دي اول مره اعلق على حاجه بس بجد جميله جدا من كتابتك للعنوان
للي جوا الكلام مدونتك جميله دي اول زياره ليها باذن الله اكررها تاني وياريت تسيبي دايما الباب مردود

نسر الشرق said...

هلا يا حبيبى
والله وكأنى لقيت ضالتى عندك
لو كنت اللى فهمته صحيح
انت مش عجبك الفساد والظلم اللى بقه علنى يعنى مبقاش استثناء بقه قاعدة
ياسلام ياريت نجمع نفسينا انا وانت وشباب مصر فى مجموعة ترفض الفساد اللى عم كل المجالات فى حياتنا تحياتى ليك
مستني ردك
http://nisr-elsharq.blogspot.com/

بوبو said...

انا متابعاكي من زمااااااااااااااااان ومبسوطة اوي انك رجعتي تكتبي.. مش عارفة هتفتكريني ولا لا؟ كنت باكتب باسم
rose
مبروك رجوعك للكتابة

Borsa said...
This comment has been removed by a blog administrator.