Jul 25, 2006

...9

القاهرة 2003 / 2006
شرفتى ، رائحة الفل ، الشجرة العارية .. والحائط المرصع بكلمات الزكرى .. فيروز تداعب ، وفيروز تغنى
كوبان من الكاكاو الساخن ، مع الأغنية المفضلة .. تمسك نص المسرحية فى يدها وتنتقد تمثيلى وكأنها المخرج .. أسخر من نطقها الركيك الرقيق ، فتفتح دولاب الملابس وتمارس لعبتها المفضلة ، وبعد لحظات من الضحك تصبح كل ملابسى ملقاة على الأرض
فيروز تهدأ عندما تعبث فى أوراقى .. اعتادت ان تجد اسمه يزين كل ورقة ، هذه المرة وجدت اسم اخر يتكرر رغم انفى .. كنت احكى عنه وكأننى وجدت نصفى الاخر ، ولكنها لم تكن تهتم

عمى عماد خلف سبع ولاد ، مات واحد بقى كام
عمى عماد خلف ست ولاد مات واحد بقى كام
عمى عماد خلف خمس ولاد مات واحد بقى كام
لعبة قديمة اعتدنا ان نلعبها فى المدرسة لكى نحفظ الأرقام !! سمعتها البارحة فى طريق عودتى للمنزل من طفلين فى الأتوبيس المكتظ بالبشر ، وسألت نفسى ( ياترى ولاد عم عماد بقوا كام؟
لبنان وسوريا وبعدين مصر .. طب ياريت ياخدو مصر
ياعم حرام عليك احنا ناقصين
ماحنا كده كده فى احتلال
نقاش مللت سماعه .... لن أركب الاتوبيس بعد الان

عندما تم الغاء النشاط المسرحى للجامعة اصابنى اكتئاب شديد ، وقتها بدأ الامريكان فى ضرب العراق ، كتب لى احد الأصدقاء من أسوان يقول .. هم السابقون ونحن اللاحقون ، وعندما حطم العراقيون تمثال صدام حسين قال لى ابى ساخراً ( بكرة يضربوهم بالجزمة وهايقولوا يوم من ايامك يا صدام
نصبح جميعاً حكماء عندما ينقص ولد من أولاد عم عماد .. وكأننا ننتظر حديث الساعة حتى يخرجنا من حالة الصمت التى تهاجمنا كل يوم

أيام قليلة مرت علينا أعوام ، أكره وقت الاختبارات .. يتحول الدار الى معسكر لا يتقابل أعضاؤه الا نادراً .. يصمت كل شىء .. ويبدأ قلبى فى العمل
يقال انهم يفكرون فى قطع الشجرة التى تقابل شرفتى .. أصابنى حزن شديد عندما تحقق خوفى ، لم اكن أعلم انها كانت تعكر صفو أحد غيرى ... أشتاق اليها فى بعض الأحيان عندما تصطدم عينى بتل القمامة الذى احتل مكانها بكل وقاحة .. أصابنى الجنون لرحيلها فترة لدرجة انى كنت أقف بملابس الصيف دون الاهتمام بأحد
عندما انقطع التيار ، وجدنا وسيلة جديدة لتؤنس وحدتنا .. شمعتان قاربتا على الانتهاء .. كتب على كل واحدة اسم من نحب ، وكأننا نستدعى كل منهم حتى يؤنس وحدتنا .. طريقة ساذجة وبسيطة .. وبالطبع من اختراع فيروز

بقى هاتفى صامتاً لثلاثة أيام ، واليوم فاجأتنى برسالة منها ( فاكرة الشجرة ؟ فاكرة الشمعة ؟ وفاكرة حسين لما كان بيقول يابجرة ؟ فاكرة ؟ طب يا بجرة وحشتينى

لم أتوقف عن ركوب الاتوبيس ..
لبنان وسوريا وبعدين مصر
طب ياريت ياخدوا مصر
ياعم حرام عليك احنا ناقصين
ماحنا كده كده ............. فى احتلال

19 comments:

عوليس said...
This comment has been removed by a blog administrator.
Nour said...

شجن برائحة الفل
:)

غادة الكاميليا said...
This comment has been removed by a blog administrator.
Darweshe said...

بوست معبر وبيقيس نبض الناس ورايهم فى اللى ببيحصل
تحيانى

littilemo said...

احتمال

yara said...

نور باحب تعليقاتك اوى باحس انها بتكمل اللى عوزت اقوله ..احترامى
ياغريب بلاش تبقى غريب وحاول تهجر التابوت .. يا غريب الحياة تستحق العناء بس المواصلات ياغريب لاتستحق البنى ادمين .. التحية لك
littlelimo
ماعرفش تعليقاتك مابتعجبنيش او بمعنى اخر مابتوصلنيش لحاجة ومابتفهمنيش انت قريت ايه وفهمت ايه
ع العموم شرفت والمرة الجاية ياريت تعليقك يتعدى التلات كلمات
نورنوا

إنسان || Human said...

جميل أوي السرد والربط مابين حاجات جواكي وحاجات بتحصل بره,,,,أنا أول مره أخبط على بابك ياتر هاتفتحيلي

شغف said...

أجمل ما في البوست ان الحالة واحدة على الرغم من انها متوزعة على تفاصيل كتيرة

كل تفصيلة بتدي بعد جديد للحالة و تلونها بلون جديد

أو تديها نغمة زيادة على نفس اللحن الشجني

lastknight said...

المدونه بأكملها رائعه .. لا أعلم عن مستواك فى التمثيل أو مدى شغفك به .. لكن أؤكد لك أنك كاتبه بارعه ..و أثق فى قدرتك على النجاح ككاتبه .. أفكارك تتسلل ألى القلب و العقل بسهوله و بساطه ..كأنها طفله رشيقه حافيه القدمين .. تسرى دون أن يشعر بها القارىء ألا ويجدها مستقره فى أعماق مشاعره
استمرى من فضلك

كلمه said...

To7FA .....
mafeehash 7aga gdeeda wla mklk3a
3shn kda 7elwa

mahdy83 said...

مصر باظت لازم نستبدلها عشان منفطلش عايشين من غير وطن

http://endegypt.blogspot.com

كلبوزة لكن سمباتيك said...

دونة رائعة
الي الامام دائما
خالص تحياتي

Anonymous said...

آسف اني مش هاعلق
أنا فقط في انتظار تعليقك على أعمالي الفظيعة بمدونتي اللي بالتأكيد هتكون فرجة المدونات


على فكرة
أنا لا أنتظر التعليق أكثر احتراما من سابقه شكررررررررررا

محمد أبو الفتوح said...

والله يا يارا أنتى خدتينى لجوك قوى لدرجة أن أنا كنت حاسس بالدفا
كنت حاسس بإنى أنا اللى كنت فى الأتوبيس
و إن الشجره صعبت عليه و كأنى شفتها ألف مره و رسمت عليها أحلام عمرى
بس زعلت من نفسى قوى لما سبتها تروح من غير ما أدافع عنها زى العراق
على فكره أنا بكتب شعر عاميه ياريت تشرفينى على المدونه يهمنى رأيك

Ghada said...

يااااه من زمان مقريتش حاجه تخبطني كده

ياااه، دايماً تنجحي انك تندميني لما بغيب عن هنا

:)

مـحـمـد مـفـيـد said...

والله انا قريت البوست ومش عارف اعلق من قمه الحلاوه والجمال
احييكي جدا

Anonymous said...

وحشتينى اوى
امضاء حد قديييييييييم
من ايام اسكندرية

الحياد لغة said...

جميييييييييييييييل
شفاف وبيلمس شغاف القلب
ذكريات تحسي انها ذكريات كل الناس
كلنا كان عندنا شجرة بنحبها
وصديقة نفهمها ونحسها ونكبر معاها
كلنا بنحب نسمع تعليقات الناس في الشارع
انتي قريبة اوي من الناس ومتفاهمة مع نفسك
وده سر براعتك في الكتابة
استمري
هايلة والله

Anonymous said...

Wonderful and informative web site.I used information from that site its great.
Evergreen cpu upgrade Los cabos golf resort timeshare resales kia ambulance hiking Fairmont time share resorts Carnival cruise paradise review discount disney world tickets without timeshare Running through the 90s Lisas webcam Bioclenz hair loss shampoo therapro Orange lake country club timeshare resale Austin texas time share resales 2004+botox+statistics http://www.timeshare-reviews-6.info/Nashville-timeshare.html Timeshare+sales Xenical and 95