قبل ما أكتب فى المدونة .. كانت طريقة تعبيرى عن اللى جوايا بالرسم .. أول حاجة اتعلمتها قبل الكتابة
التدوين بالنسبة لى كان تجربة جميلة .. وفرصة انى اعرف ناس كتير عن طريق كتاباتهم وأفكارهم ومشاعرهم
ربطتنى ببعضهم صداقة ، والباقى كان عامل زى المحطات .. بس قلبى برضة كان حاسس بشوية ونس
مش هاعرف اقول اكتر من كده .. بس حقيقى تجربة فريده بالنسبة لى ، اتمنى تكون تجربتى جوة دار مدينة نصر أفادت بعضكم .. واتمنى اكون ضيفة خفيفة على مدوناتكم لما توحشنى وأطل عليها
فأنا بعد إذنكم .. هاقفل الباب
26 comments:
بلاش تقفلي الباب يا يارا
على الأقل واربيه
وأنا أضم صوتي لصوت تسنيم
...
بالمناسبة، كانت تجربتك في دار مدينة نصر وحبك لفيروز والفتاة التي تسمينها فيروز- لم أفهم حتى الآن أتقصدين فتاة حقيقية أم فيروز التي تغني- إلهاما لي في كتابة إحدى قصصي القصيرة، والتي صادف فيما بعد أن فازت في مسابقة للقصة القصيرة:)
كانت في قصتي فتاة تمكث بعيدة عن مدينتها، وفتاة فيروزة أخرى، والأولى تتذكر من أحبته ولم يعرف أبدا بذلك مفضلة إرجاءه إلى ما بعد عودتها لمدينتها الام، والثانية تغني لها أغاني فيروز و تسميها سكر
:)
....
ما تقفليش الباب بقى، إنما لو ده مش حيناسبك براحتك، بس محطتك كانت من أجمل المحطات وأكثرها (حزنا) اللي عديت عليها :)
هي وفيروز كافيه
ياريت ما تقفليهاش هيا كمان
...
ح ن ي ن
كده برضة ؟ ده انا كنت باحس انى بتنفس بعد خنقة اليوم بحاله لما ادخل مدونتك
ع العموم لو انتى مرتاحة ده يفرحنى
ربنا يحلى ايامك عشان انتى تستاهلى بجد
مش عارفةا قولك غير انى حبيتك اوى وحبيت كتاباتك جدا وانتى عارفة ده من غير ماتعرفينى
اتمنى اقابلك يايارا بس مش عارفة فين وازاى
بس عندى احساس ان اكيد فى يوم وهانعرف بعض فيه .. ياريت
قارئتك المفضلة
حنان
ليه يا يارا ؟ ليه ؟ اتونسنا بيكي زي ما اتونستي بينا ..
بلاش تقفلي في وشك قبل وشنا الباب يا يارا ..اهو بيجيب شويه شمس في برد الشتا الجاي زي ما جاب طراوه في نهار الصيف اللي فات ..
حاولي ما تمشيش
انا مش عارف اقول ايه !
أنا كنت باجى هنا كل يوم تقريبا , زى ما يكون مكان مفتوح فى الشتا الساعه اربعه الفجر , بس متدارى , و فيه كرسى مريح فى الركن , وكل الحاجات اللى فيه معموله من الخشب .. مافيش هنا معدن ! مافيش
حاسس بنفس الإحساس اللى جالى لما لقيت انسومنيا اللى فى الزمالك اتباع و بيعملوه كافيه له فروع تانيه فى كل حته
ماكانش فيه غير انسومنيا واحد بس , اربعه و عشرين ساعه , خشب , و القهوه بتاعته بتلسع فى سقف الحلق و بيفضل طعمها حتى لما تبرد
ربنا معاكى , نفسى بعد عشرين سنه افتح المدونه بتاعتك الاقيكى لسه بتكتبى
الكتابه مش احتياج ولا علاج , الكتابة طريقة حياة
شكرا ليكى على كل يوم بالليل قضيته وانا باقرا فى مدونتك و على كل إحساس بإنسانيتى لما بابقى عايز اخرج الساعه اربعه الصبح بعد ما اقرالك تدوينه
شكرا بجد
صباح الفل
لما قلت لى ع الماسنجر انك قفلتي المدونة زعلت
مكنتش عاوزة ابص ف وشك
ولا في مدونتك
عشان مفتكرش
كنت كل ما اقابل حد اقوله
شفت البت يارا بنت .....
قفلت المدونة
لما كنا ع البحر وقلتلي انك قفلتيها عشان خلاص تجربة وعدت
بس هتكملى كتابة لغاية ما تحققي حلمنا المشترك في كتاب مطبوع عليه أسامينا هديت شوية
النهاردة قلت ادخل اشوفك كاتبة ايه قبل ما تقفليها ف وشنا
لما قريت الكلام زائد اللى قلتيه ع البحر قلت معقول برضه
ومنطقي
لما قريت التعليقات قلت يا بخت اهلك بالكام نفر دول اللى بيقروا لك
وبفكر اجيب درفها انا كمان يمكن يطلع لى قارئ زي ادهم الصفتي كده يقولى والنبي ما تمشي وارجع في كلامي زي العيال
يارا ودين امي انا ما مصبرني عليكي غير انك بتكتبي في موضوعنا
ولو وقفتي مش هيكفيني موتك وهغرقك في البحر اللي بتحبيه على انغام غنوة كعبو كعبو اللى كنتي عاوزة تسمعيها عشان يبقا عذاب مزدوج
ما بين مد الحياة وجزرها لازم بيجي يوم نقفل فيه باب او نفتحه
ونقف على عتبته اونفتح شبابيكنا لنور االشمس علشان نشوف بين قش الحياة وردة بتنادينا
بس مهما قفلنا بيبان وبنينا حيطان
we dont say good bye
السلام عليكم ورحمة الله وبركاته
.........................
قفلتى ليه الباب ؟ حد زعلك ؟
مظنش انك هتقدرى تبعدى عن التدوين كتير ..سعات ..أيام .. شهور هترجعى هترجى هو الموضوع فوضى ولا ايه ؟ هى فوضى ؟! هههههههه
كل سنة وانتى طيبة وعام سعيد عليكى
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my site, it is about the CresceNet, I hope you enjoy. The address is http://www.provedorcrescenet.com . A hug.
يا ياراااااااا
انتي فيييييين؟؟
يعني حترجعي ترسمي؟؟
يا خسارة
فعلا ها توحشينا!!!!!!
ايه دا
اول ما اجى كده الاقى الباب مقفول
ليه كده يا يارا
:(
هل يمكنني أن أوصل إليكِ شعور إحتضان كلمات مكتوبة و التفاعل معها؟
فقد شعرت بأنى بالفعل أحيا مع كل من تكتبين عنهم و أشم رائحة الفل و يتردد بأذنى صوت فيروز الشجى كل هذا من خلال كلماتك
أنتى قصصية موهوبة ..
متدفنيش موهبتك لأنها ممكن يبقى أثرها بالنسبة لغيرك زى حبات الندى على الورد وقت الحر
قارئة ، فلا تحرمينى أن تكون كلماتك من ضمن ما أقرأه
بصى انا اول مرة ادخل هنا
بس كنت بزور قهى فيروز
انت لسة بتكتبى هناك
لية متكتبيش هنا
انا قريت 6 بوستات من بتوع مدينة نصر
بجد عجبونى جدا
انا عارف ان الحكايات دى خلصت
لكن انت اسلوبك فى الكتابة جميل جدا
ياريت اشوفك تانى
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Flores Online, I hope you enjoy. The address is http://flores-on-line.blogspot.com. A hug.
ارجعي تاني
:( :(
العزيزة يارا
أسعدتني جدا رسالتك التي تركتيها لي وأنتظر بشغف روايتك بالرغم من أني قرأتها هنا مسلسلة على اثني عشرة تدوينة.كم أتمنى أن تعاودي فتح الباب ههنا وأنتظر أن تفعلي ذلك
عرفت أنك بورسعيدية من تدوينة لسماح موزاييك عندما أشارت إلى ذلك
أنا الأخرى سكنت دار طالبات في فترة دراستي الجامعية لذا فلقد مستني روايتك جداااااااااااااا..
أنتظر التواصل معك أكثر وأنتظر نشر الرواية
:)
كل سنة وانتي طيبة يا يارا
ده أولا, أما ثانيا فانتي علقتي على مدونتي (مجلتي) من حوالي عشرة ايام كده.. هو أنا مبسوطة للغاية من التعليق وشكرا بجد عليه، بس معلش فيه سؤال محشور عندي: اشمعنى المدونة اللي مش باروحها دي خالص وسيبتي الأساسية بتاعتي؟
اللي هي (في برزخ الصمت )!ه
رغم كده أهلا بيكي طبعا ، والبيت بيتك يا معلم :) ، وبانتظار روايتك
ألف شكر ليكي ، وللإلهام اللي اديهتوني عشان اكتب القصة اللي فازت في إحدى المسابقات الأدبية :)
شكرا تاني وتالت وعاشر :)
وافتقد كتاباتك !
صدقينى انا كنت لسه ها اخبط على الباب لقيتك بتقفليه
ليه دايما الواحد لما يجى يشوف حاجة حلوة يلاقيها يا خلصت يا مشيت
معلهش برضه الصبر طيب
زيارتى هى الأولى
لم أكن أرغب أن تكون الأخيره
..............
thanx for this blog and please let me take a copy to my site
البورصة المصرية
منتديات البورصة المصرية
بورصة أسهم السوق السعودى
تجارة عملات | فوركس | تجارة العملات | تداول عملات | Forex
تمام
جزاك الله كل الخير يا غالي علي المدونه الرائعه
و دي قائمه باهم مباريات اليوم يا جماعه و شكله يوم كروي عالمي
مشاهدة مباراة الأهلى والاسماعيلى بث مباشر
مشاهدة مباراة الاهلى والاسماعيلى
مشاهدة مباراة الزمالك والمصرى
مشاهدة مباراة برشلونة واسبانيول
مشاهدة مباراة ريال مدريد وفالنسيا
مشاهدة مباراة مانشستر يونايتد واستون فيلا
مشاهدة مباراة تشيلسي وايفرتون
مشاهدة مباراة الاهلى والاسماعيلى بث مباشر
مشكووور اخووى موضوع جديد وتدوينه رائعه
بالتوفيق
http://www.eg-girl.com
Post a Comment